Mei Liadabuach - Weisse Heisaln

Das ist die Seite von Gustav Freudmann / Mei Liadabuach

Weisse Heisaln

(White Houses/Eric Burdon & the Animals)

Weiße Heisaln in budsiga Reih,
hebn si o von Himme so fean.
Schwoadse Hidtn, zsaummgfoin, driba da Baun,
de Kinda hungan, doss fosd rean.
Da Chrom, da Schdoi und da Dram von Medoi...
Und de Zeend in da Babpn vafoin.
De boa Ausschdeiga, wos no iwabliem san,
legn zsaumm, doss eana Hasch kenna zoin.

Reissds eich doch zsaumm!
Vü bessa wars, es reissds eich zsaumm!
I glaub, es reissds eich bessa zsaumm, jeds glei!
Hobdsas gschnoid?
Bessa wars, es reissds eich zsaumm...

Olle woin gliabd wean de gaundse Zeid,
doch eanan Nochboan haums niemois no gseng.
De Feansea seisln de Obndnochrichdn
ois in Foab und so valogn wiasas meng.
Da Vuaschdaund dridt zsaumm, da Bresidend redt zum Voik,
is no ned oid, doch seine Gnochn scheban mid.
De Madln schoin si ei fia_r_an Daunds am Boi
und da Bua danebn dea dad schdeabn fia_r_an Beat.

Reissds eich zsaumm!
Vü bessa wars, es reissds eich zsaumm!
Hobds ghead, wos i sog, i hob eich gsogd,
es reissds eich bessa zsaumm!
Es wa bessa, es reissds eich jeds zsaumm!
Weu sunsd is zschbäd...

Ind Lod haums glegd de Biabe, in Zimma von Hodtö
und de schreid danoch, doss wea lesd.
Oba drinnad bleibds liegn, grobd si ei in Schdaub
kana vaschdehd wos davo, wos is gwesd.
Liabande liabn si in Kasdln aus Bedon,
weu muagn ned des is, wos heidte zöd.
Sie wissen eh, doss ned soidtn, oba eana is wuaschdt,
sie bringan d'Nächsdn boid noch auf de Wöd.

Reissds eich doch zsaumm!
Jo! Bessa reissds eich zsaumm!
Oh, i glaub, i reiss mi söba a glei zsaumm.
Vaschdehds, wos i man?
I woa so zuanich, scho so laung.
Am liabsdn fliagad i fuadt,
i mechad ois richdich mochn,
i wüs haum, i wüs haum, Madl!
Und es, reissds eich, reissds eich jeds zsaumm!
Am besdn jeds glei!
Mia haumsas gsogd,
und i sogs dia, Madl!
Duas weida dazöhn!
Is echd a guada Rodt...